پەلکە زێڕینە - وێبلاگی بەکر عەزیزان "ئەمیر"
من و بەفری ئەو کوێستانە بۆ کانیاوە ڕەشپۆشەکان دەتوێینەوە دەتوێینەوە
لەبابەت وێبلاگەوە


شێعری قەسیدەی وڵات لە کتێبی تەرجەمانی عەشق

سوارەی مەڵبەندی نەهاتم ،
لە ناوجانتام کۆڵە باری رق و قینە ،
عەشقم وەکوو گەشی شەهید
بۆ هەواری هەرمان و
ئەبەدییەت لە فڕینە
وادەرۆم و تێکهاڵاوی
شەپۆلێکی سەرکەش دەبم.


شەو لە باوەشی تەنیاییم
ونەوز دەدا و
مانگیش لە سەر
باسکەکانم
لێکدانەوەی خەونی خۆرم بۆ باس دەکا

بەڕێوەبەری وێبلاگ : بەکر "ئەمیر" عەزیزان
ڕاپرسی
بۆ باشتر کردنی بابەتەکانی وێبلاگ تکایە بەشداری ڕاپرسەکە بکەن و بفەرموون کام بابەت پتر سرنجی ڕاکێشاون:






چهارشنبه 15 آبان 1392



هاوڕێمان بن لە کاناڵی دیوەخانی شێعر

١_ لاپەڕی بەشی  فارسی شێعرەکانم - بخش اشعار فارسی


http://bakrazizan.blog.ir/
٢_ بۆ بینینی کۆی شێعرەکانم سەردانی لاپەڕەکانی تر( [٢]و[٣]و[٤])

 لە خوارەوەی ئەو لاپەڕە بکەن

٣-ماڵپەری نویەکەم 







جۆری بابەت :
وشە سەرەکیەکان : دانلود، دانلۆد، دانلود کتاب، دانلود کتاب کردی، دانلۆدی کتێب، دانلۆدی کتێبی کوردی، دابەزاندنی کتێب،
ماڵپەڕە پەیوەستەکان : قاصدک،
چهارشنبه 23 مرداد 1398

رێگەکان جێی متمانە نین

سەفەر بەرەو کوێمان دەبا؟

کاتێ هەناسەی پشووسوار

لەو دەربەندە لە پێ کەوتۆ 

وا کۆچ دەکا

بڕواتان بێ

ڕێگەکان جێی متمانە نین

***

ئەوەی ختووکەی وشەیە و

چرکەکان شاگەشکە دەکا

دوا هەناسەی گەڕانەوە

بەرەو ژینە هانا دەبا

مەرگە لێرە مەودا نادا

دەنا فڕین

یەکەم بزەیە بۆ داگیرسان

دووبارە ژین

گڕووی چیتە؟

پێتوایە ئەم هەوارە تووک لێکراوە

چی لە هەناسەی شەو ئەوێ

هەتاکوو چاو هەتەر دەکا

شەوەزەنگێکی تووش و کپە

چاوڕوانی تیا ناسرەوێ

خولیاکان دانەگیرسێنین

هەموو هەنگاوەکان کاسن

با هەناسەش 

لەو دەربەندەدا جێ مابێ

لە  تۆرەمەی شەکەت ترین 

رووباری ئەو سەرزەمینەم

جەستەم ماندوی

خەفەتی گوڵە بەڕۆژە و

نزای سەوزی دارستانە

هەر پاییزە و دنەم دەدا

هەڵوەرینێ بچریکێنم

هەنارێ لە زامەکان و 

چاوەڕوانی ، شۆڕ ببمەوە

لە ئێستەوە تا زەمەنی

سێدارە بە کاتی گەروو

تاوەکوو بەرەو

 ژوانی ناوەختی چەک و زامێ

تا شریخەی بارانی چاو

لە هەورێکی 

نائارامی مل بە کوێنی کۆست کەوتوو

تا کوو تەفسیری ئایەتی ئەنفالەکان

یەکە یەکە ئازارێ دەگرمێنم

بەرەو کامە بناری خەم

ڕێ دەپێوی

کامە ئایەتی کۆچ دەکەی 

بە ملوانکەی چاووزاری

هەناوتەوە

بە باڵای کام درەختی شەهیدەوە

دەشنێیەوە

لە کامە خاکی بێ ئۆقرە

ئارام دەگری

ئەوە پێڵاوەکانی ئەهریمەن نیە

ئەو ملوانکە ئاوازی خنکانی مەسیح

نادرکێنێ

شەو لە سەر جەستەم لا مەبەن

با زامی لەش شاراوە بێ

ئەوە بوورکانی 

هیلاکی ئەم خاکەیە

ساڵهایە

لە چاوەکانی من هەڵئەچێ

من شۆڕابەی ژانەکانی

بەگژداچووی خێڵی نامۆم

بروسکەی مەیلەو بەهاری

گوڵاڵە سوورەی روانەوەم

چەندی ئێوە بە ئازار بن

 سوورترم لە شین بوونەوە

سوورترم لە گەشانەوە

 بێ وڵات ترم لە زریان

خەمناکتر لە جەغزی سنوور

بەو هەرایە سەرشێتانە بڵێن

زادەی گێژەنی کارەسات و

ڕاهاتووی ڕێژنەی پشکۆین

لە چی دەمانترسێنن

لە شەو؟

یان ڕەهێڵە؟

بە هەڵپرووکانی کامە

 گوڵاڵەی نەپشکووتو

چاوترسێنمان دەکەن

بوورکانێ لە سەربزێوی و

 ئازارێ لە سەرهەڵدانین

ئەوەی قەمچی دەخاتە

ئەم مێژووە رووت و قوتە

چەکمە پۆشێکی نەزانی

سەدەی خاچە

ئەوەی لە ناو گریانا دەمچێنێ و 

جەستەی ماندووی من دەکێڵێ

تەنیا دەغڵی 

تۆفان و گەردەلوول 

وەکۆ دەکا




جۆری بابەت :
وشە سەرەکیەکان :
ماڵپەڕە پەیوەستەکان :

تۆ نیت بەڵام

هەموورۆژێ

کۆڵانتان دێ و

لە جەستەما

پیاسەیەکی تەنیایی

ئەحیلێنێ و

تێ ئەپەڕێ








بۆ دیتنی درێژەی بابەت کرتە بکەن


جۆری بابەت :
وشە سەرەکیەکان :
ماڵپەڕە پەیوەستەکان :

سڵاوی دووبارە لە دۆستان
دەست پێدەکەین باسی ئەوشەومان لە زنجیرە باسەکانی چۆنیەتی دارشتی نووسراوە و شێعر لەسەر ئیزنی مامۆستایان و دۆستانی زێدە بەڕێزم بەو هیوایە بە کەڵک بێ بۆتان
باسی ئەوشەومان لە سەر شێعری کلاسیکە
ئەدیبان ، شێعر دە چەند قۆناغدا دابەش دەکەن
شێوەی خۆراسانی بە هەوەڵین و کۆنترین قۆناغی شێعری دەزانن کە شاعیرانی وەک رودکی و فردوسی و اسدی توسی دەو بازنەیەدا جێ دەگرن
دیارە بیری کۆمەڵ و بە رەو پیر چون بەرەو ئەو شێوە شێعریە بۆتە هۆی سەقامگیر بونی ئەو داڕشتە شێعریە کە تایبەتمەندی خۆی هەیە
ئاڵ و گۆری دۆخی کۆمەڵایەتی و پێشکەوتنی بیری کۆمەڵ شێوەیەکی دی لە شێعری چاوەروان بوو کە بە نێوی سەبک و شێوازی عێراقی ناسراوە
تا لەبیرم نەچۆ بڵێم شێعری کلاسیک یانی شێعرێکی کە تایبەتمەندی کێش و قافیەی بێ
دیارە ئێمە بە نێوی شاعیرو نوسەر دەبێ زانیاریمان لەسەر شێوە دارشتی شێعر هەر چەند کەمیش بێ هەبێ
هەر بۆیە لێرە بە شێوەی گوڵبژێر باسیان دەکەین
مەولەوی حافز ، سەعدی و زۆرینەی شاعیرەکانی سەدەی حەوتەم لە شێوەی شێعری عێراقیدا دەگونجێن
سێهەم قۆناغی ئەدەبی شێوەی هیندیە
دیارە بە پێی گۆڕینی بیر و بۆچوونی کۆمەل ئەو شێوانەش ئاڵ و گۆڕیان بەسەردا هاتوە لەسەرەوەی هەموو شاعیرانی سەبک هیندی ، سائیبی تەبریزی خۆ دەنوێنێ هەڵبەت سەبکی ئیسفەهانیشی پێ دەڵێن
لە تایبەتمەندێکانی ئەو سەبک و شێوازە خیاڵ پەردازیە کە سائیب بە ئەوجی گەیاندۆ هێنانەوەی مەسەل دەشێعردا یەکێکیی تر لە تایبەتمەندیەکانی ئئەو شێوازەیە
بۆ وەی دەلیلێک بێ بۆ وتەی شاعیر، بەکار هێنانی وشەی سەرەکی و بازاری دە شێعردا باسی کەسایەتی خۆی لە لایەن شاعیرەوە
هەمو دەبازنەی سەبکی هیندیدان
اظهار عجز پیش ستمگر زابلهی است اشک کباب باعث طغیان آتش است
آدمی پیر چو شد حرص جوان می گردد خواب در وقت سحرگاه گران می‌گردد
ریشهٔ نخل کهنسال از جوان افزون‌تر است بیشتر دلبستگی باشد به دنیا پیر را
(صائب تبریزی)
عدو شود سبب خیر گر خدا خواهد خمیر مایهٔ دکان شیشه‌گر سنگ است
(طاهر قزوینی)
اظهار عشق را به زبان احتیاج نیست چندان که شد نگه به نگه آشنا بس است
(صائب تبریزی)
دوای سەبکی هیندی شێوەیەکی دیکە باو بوو پێیان دەکوت دەورانی گەڕانەوە و  بادانەوە واتا بازگەشتی ئەدەبی

ئەو دەورەیەی ئیستە تێیداین و بە دەورەوسەردمی شێعری نوێ دەناسرێ
لەکۆتایی سەردەمی شێوەو سەبکی هیندی چەن کەڵە شاعیرە گەورە بەرهەلستیان لە بەرامبەری گرتو بە ئیبتیزال کێشانی زمان و ئەدەبیان کردە بیانوو و پێیان وابوو کە ئەو سەبکە ناتوانێ  وڵامدەرەوە و جوابگۆی سەرجەمی دیاردەکانی هەست و زمان بێ
بەڵام چوون خۆیان شێوەیەکی نوێیان نەبوو بۆ دارشتی شێعر و نوسراوە بە ناچار گەڕانەوە سەر سەبک و شێوەکانی پێشتر
هاتف ، مشتاق اصفهانی ، مەجمەر اصفهانی وە زۆر لە شاعیرانی ئەو سەردەمە گەرانەوە بۆ سەر سەبکی خۆراسانی
هەتا ئێرە شێعر دە قالبی کلاسیکدا بوو یانی کێش و قافیە و سەروای هەبوو بە شێوەی مەسنەوی یانی دو دو قافیەیان وەک یەکە
فردوسی رودکی نظامی مەسنەوی نوسن دیارە مەولەویش مەشهورە ، قەسیدە واتا دەربڕینی مەبەست لە پازدە شێعر پترە
قافیەکانیش لە سەر کێشی سەردێرن سەعدی مەنوچیهری و خاقانی سەر قافلەی ئەو شێعرانەن
غەزەلیش هەر وەک قەسیدەیە بەلام رادەی شێعرەکان لە چوار بەیت تا دە بەیتە
موسەممەت ، موستەزاد ، تەرکیب بەند ، تەرجیع بەند ،قەتعە و روباعی و دوو بەیتیش لە شێوەکانی شێعرە
تا ئێرە کۆی ئەو بابەتانەیە کە شاعیر یا نوسەر لانی کەمی ئاگاداری لەسەر شێعری کلاسیکەوە بێ
دۆستان باسێکی موختەسەر و گرینگ لەسەر فەزا و حەجم دە شێعردا پێم خۆشە بێتە ئارا کە کەمتر دەکتێبە ئەدەبیەکاندا باسی لەسەر دەکرێ
جۆری روانینی شاعیر و نوسەر بە پێک هاتە و موجودات روانگە و فەزا ، دەگەڵ کەسی ئاسایی دەبێ جیاواز بێ
ئەگەر ئەو جیاوزیە وەبەر چاو نەیە جیاوازێکی نابێ دەگەڵ بیری ئاسایی
شاعیر لەتافەت و هێمنێکان جوانتر هەست دەکا جوانیەکان با کەمیش بێ لە نێو تەوژم و ناحەزیدا دەیان بینێتەوە
یانی بیری شاعیر تیژتر لە مرۆڤی ئاساییە بەڵام ئەو کارە نیوەی هەوڵ و تێکۆشانی شێعرە نیوەکەی دیکەی شێوەی دەربڕینی فەزا و حەجمی روداوە چەند باڵندە لەسەردارێکی قەراغ چۆم دەجریوێنن روانگیەی ئاساییە کە هەمو کەس بەو شێوە باسی بکا
حالەتی خەبەری هەیە بۆ خوێنەر
بەڵام شاعیر یان نوسەر لەو کەرەسانە کەڵک وەردەگرێ بۆ دەربرینی هەستی خۆی
شێتە دارێ 
لەبەر ئاوێنەی روبارێ
بسکی خاوی
وەکو شێعری
شاعیرێکی سەر لێ شێواو
دەهۆندەوە
بەو مەستێوە
ئاگای لە حاڵی باڵندەی
عاشق نەبوو
کە چۆن نەغمەو سۆزی ئەوین
بەگوێ داردا 
دەچرپێنێ
باڵندەی هەناسە ساردی 
شەکەتی رێی 
تامەزرۆیی
لقی داری
بە دڵشکاوی بە جێ هێشت
دای لە شەقەی باڵی بەرەو
هەوارێکی
بێ بەزەیی
ئەوە تەسویرێکی ئاساییە
ئێمە کە باسی بابەتێک دەکەین دەبێ بابەتو کەرەسەی ئەوشتە دەباسەکەمان باوێین
دیارە دەبێ رادەی ژیرییمان ئەوەندە بێ کە تەکلیفی خۆمان دەگەڵ شێعرەکە روون کەینەوە
ئەگەر دەمانەوێ شێعری بە هەستو دلداری بلێین وشەکانی کە بەکاری دێنین دەبێ ناسک بن
شێعری حەماسی و نیشتمانی کەرەسەی وشەی جیاوازە هێنانی وشەی قەڵەو و سەخت دەنێو شیعری دڵداری وەک ئەوەیە سەهۆڵاو بەسەر خوێنەرداکەی دیارە هێنانەوەی وشەی ناحەز و پیسیش هەروایە
گۆپاڵ ، قورقوشم ، بێز هەستان و زۆر وشەی دی دەشێعر دا ئەگەر جێی تایبەتی خۆی نەبێ بابەتەکەمان دادەبەزێنێ
ئەو دەگەرێتەوە سەر هەڵبژاردنی شاعیر هەر ئەندازە لەو بوارەدا تەمرینمان بێ سەرکەوتوو تر دەبین
تەرکیباتی غەریب لە دڵ نانیشێ شاعیر دەبێ بۆ یەکە یەکەی وشەکانی وەسواسی بێ ئەودەمە بەرهەم چێژدار دەبێ
گەورە بونی بازنەی وشە زانین بۆ شاعیر خراب نیە بەڵام مەرجی بنەرەتی نیە
هەر بەو قسانەی رۆژانەمان ئەگەر تەسویرێکی جوانمان بێ بەرهەمی بەرز دەخوڵقێ کەوایە نابێ بڵێین من کوا ئەو هەموو وشەی کوردێ دەزانم تا بتوانم شێعر بلێم رازی تەنیایی ئەحمەد هەردی بخوێننەوە بە چ زمانێکی سادە چ عەزەمەتێکی خوڵقاندۆ
رستە سازدراوی دو بەشی پایە (بنەرەت) و پەیرەو ( بەشوێن دا چو )یە یانی جوملە ی وایە پایەو پیرەوی هەیە
کە هەر کامیان دابرێن رستەکەمان دابراو یانی ناقیسە هەرکامیان وەلا بەرین نوسراوەکەمان ناقیسە مەگەر پێشینەمان بۆی هەبێ
بەرێزم بریار نیە نوسراوەی خۆمان بە کەسانی تر هەلسەنگێنین قەت وا بیر مەکەنەوە نوسراوەی هەمووتان لە بڕی تەمرینەکانتان بە نرخە




جۆری بابەت :
وشە سەرەکیەکان :
ماڵپەڕە پەیوەستەکان :
دیارە دۆستان ئاگادارن بۆ ئەوەی لە نووسیندا پێشکەوتنمان بێ دەبێ چەن خاڵی گرینگ وەبەر چاو گرین
یەکەم خاڵی گرینگ خوێندنەوە و پێدا چونەوە بەسەر بابەتە بە هێزەکانی ئەدەبی بە تایبەت کوردیە
ئەو کەسەی دەست بە نووسین دەکا ناخی وەک ئاوی زولال وایە لەوانەیە یەکەم بەرهەمەکانمان بە هەموو کەم کۆرێوە جوان بنوێنێ و لە دڵ بنیشێ زۆرینەی شاعیرانمان لەو دەستەن
بەڵام ئەگەر ئەستێری زولالی دەروون ئاوی نەیەتە جێ وردە وردە زولالی نامێنێ هیچ ،بۆنیش دەگرێ ، ئەوجار شاعیر هەر ئەندازە خۆی ماندوو کا بۆ نووسین نەک وەک بەرهەمەکانی پێشتر نایەتەوە بەڵکو بەرادەی بەرچاو بایەخیان دادەبەزێ
زۆر لە شاعیران دەبینی بەر هەمی لەسەرێیان هەیە بەڵام هەر لەوەدا حاسێ بۆ ئیدی تازەگەری لە بابەتەکانی وەبەر چاو نایە
ئەو باسە گرینگی خوێندنەوەمان بۆ دەنوێنێ
دوهەم خاڵ لە نوسین دا وەلا نانی شەرمە ، نوسین دەربرینی هەست و قسەی دڵە
کەوایە ئەو پەردە شەرمەی لەسەر لادەین تا بتوانین هونەری خۆمان ئاشکرا کەین
تا مرد سخن نگفتە باشد عیب و هنرش نهفتە باشد
سێهەم خاڵی پر بایەخ بونی نوسراوە بەرەو پیری رەخنەوە چونە لەوەی کە نوسراوەکەمان بکەوێتە بەر رەخنە ، ناکۆکی و ناحەزێکانی ئاشکرا بێ نابێ دڵمەند بین دەنا هەر دەنێو دەریای هەڵەکاندا پەلە قاژە دەکەین






جۆری بابەت :
وشە سەرەکیەکان :
ماڵپەڕە پەیوەستەکان :
ئەوباسە لە دوو بەشە بەشی تیئۆری کە زۆر گرینگە بەشی عەمەلی واتە تەمرین
باس کردنی بیرۆکە و فکر واتە دەربرینی مەتلەب بە سێ جورە
یەکیان ئیتنابە (اطناب) : یانی مانای کەم دە وتاری زۆردا ، یانی چی؟؟ ئیتاب وشەکەی بە مانای زۆر کوتنە
دیارە هەلگری مانای کەمە وەک قسەی رۆژانە کە دەبینی رستەیەک لەوانەیە چەند جار دوو پات بێتەوە
دوهەم ئیجازە (ایجاز): مانای زۆر دە وتاری کەم
سێهەمیش مساواتە : رادەی ماناو وتار بەیەک میزانە
دیارە مەبەستی ئێمە وەک نوسەر و شاعیر ئیجاز دە کەلامدایە یانی بتوانین مانایەکی زۆر دە کەمترین وشەدا بێنین
بۆ نوسین دەبێ چەند خاڵ وەبەر چاو گرین
یەک : لە نوسین ترسمان نەبێ کەوایە دۆستان بۆ نوسین دەبێ غیرەتی نوسینمان هەبێ و نەترسین
ئەوەشمان لە بەر چاو بێ گوێ نەدەینە قسەوباسی ئەم و ئەو کە بڵێن :
باشە تۆ هەر ئەندازە شێعری کلاسیکی عاشقانە بنوسی کوا دەگەیە مامۆستا هیمن یا وەفایی یا حافز یا سەعدی
یان ئەگەر شێعری نەو دەنوسی کوا دەتوانی وەک شێرکۆ یا فرووغ یا شاعیرە گەورەکان بنوسی
دیارە دە داستان و رومانیش هەروا
جا بۆیە پێم خۆشە ئەو قسەیەو جوان دەگوێ بگرن
ئێمە قەرار نیە وەکو هیچ یەک لەو شاعیرو نوسەرانە بین
هەر چەند دەتوانن بۆ ئێمە ببنە ئۆلگووهێما
هەر گوڵەی بۆنی خۆی هەیە
شێعری حافز بۆنێکی هەیە و شێعری بەکر بۆ نێکی دی کەوایە خۆمان نابێ دەگەڵ هیچکام لە شاعیران یا نوسەران مقایسە کەین
هێمن سەبکی شێعری خۆی هەیە و بەکر سەبکی خۆی بەشەرتێ من لاسایی بەتەواو مەعنای ئەوان نەکەم یانی خۆم بم
دوهەم بابەت کە بۆ نوسین زۆر گرینگە جۆری روانینە لە پێکهاتەکانە روانینی شاعیر و نوسەر دەگەل خەلکی عادی فەرقی هەیە
شاعیر بیر لە پەیوەندی شتەکان دەکاتەوە : با ڵندەی سەر لقی دارێ ، لە روانگەی خەلکی ئاسایی بە جۆرێ روانینی بۆدەکرێ 
بەلام روانینی شاعیرانە جۆرێکی دیکەیە : باڵندێکی چاوەروان لەسەر لقی دارێ دەبینێ یانی پێکهاتەیەکی زەینی جیاواز لە خەلکی ئاسای بۆ وەبەر چاو گرتۆ هەر چەند لەوانەیە واش نەبێ ئەگەر بە شێعریش بەیانی کەی خەلکی عادی لەوانەیە باوەریشت پێ بکەن
سێهەم مەسەلە حسن تعلیلە (جوانی دەلیل)
شاعیر پەدیدەکان دەکاتە ئی خۆی مەسەلەن ئەو مانگە ئەوشۆ بۆیە لە هەموو شەو جوانترە چون یاری من پەنجەرەی ئاوەلا کردۆ
جوانترین بەرهەمی شێعری لەو دیاردەیە بەدی دێ
گوڵاڵە بۆیە سورە شەهیدێکی لە لا نێژراوە دە ئەدەبیاتدا آشنا زدایی پێ دەڵێن ، ئاشنا زودایی یانی سرینەوەی روانگەی سەرەکی لە سەر وشە و دیاری کردنی تایبەتمەندێکی نوێ دیارە پێویستی بە بیر کردنەوەیە
شێعرێکی خۆم دادەنێم جوان سرنجی بدەن
لە بەستێنی
 رووبارێکی مەندی شەوا
بە شەبەقی
 لێو بە بزەی مانگە شەوا
ناخی شوڕەبییەک
 پڕ بوو 
لە بلێسەی عەشقی پیرۆز
چڕۆی شێعرێ 
کەوتە گەشە
لە نێو پرچی سەوزی ئاڵۆز
لەدواییدا
کە تریفە
بێ ماڵئاوایی ئاوابوو
لەودیوی پەڵە هەورێکا
کەوتە نیسێ
شۆڕەبی
 بوو بە شاعیرو
ئێستەش
 هەموو کات بەردەوام
بەنووکی سەوزی هەر گەڵا
لەسەر پەڕی 
روونی رووبار
هۆنراوە بۆ مانگ
 ئەنووسێ
شۆرەبی لە قەراخ چۆم کە گەڵاکەی دەنێو ئاودا دەجوڵێتەوە
وەک ئەوەیە خەریکی شێعر نوسینە
یان دەو شێعرەدا
کە گۆیا خەڵک نازانن پاییز چۆن بەدی هاتۆ
وەرزی نوێ
بایەکی بێ شەرم هاتوو
کیژی دارستانی گرتە
نێو باوەشی حەزو تاسەی
دارستان بەدەم بزەوە
بە بای دەوت :
دەست هەڵگرە شێتەی عاشق
هەتا کەنگێ وا بزۆزی ؟
نەت دیوە مانگ چاوی لێیە ؟
ئەو مێرگە چەند
نەرمە شەپۆل و 
سۆنەی
بە قسە و 
باسی پێیە
کەرویشتی دایکە باران 
لێم ناپرسێ ئەوە کێیە؟
ئەو قسانە
لە گۆی بادا هەر وەک با بوو
بە ئەسپایی دەستی نایە
ناو باخەڵی هەناراوی دارستان و
گەڵا کانی
 لە شەرما سور هەڵگەران
بەڵام کاتێ کە بای وەعدە
سەری خۆی هەڵگرت و رۆیی
قژی سوری دارستان
لە ئازار و خەمی دوری
زەرد هەڵگەرا
گەڵای فرمێسک
هێدی هێدی
بەسەر یادی
رۆژەکانی ژواندا وەرا
بوونە بیرەوەری ئازیز
لەو کاتەوە
 وەرزێکی نوێ لە دایک بوو
کە پێی دەڵێن
 وەرزی پاییز
یانی دەواقیعدا یەکە یەکە شەخسیەتمان داوە بە هەموان کە دەبێتە سەنعەتی تەشخیس دە ئەدەبیاتدا 
دە شێعری نیماو شێرکۆ بێکەس بە لێشاو لە جۆرە شێعرانەی تێدا
گۆران بە ئەوجی گەیانۆ
کۆمەڵە شاخێک سەخت و گەردنکەش
ئاسمانی شینی گرتۆتە باوەش
ئەوە بەشی تیئۆری بوو
دیارە هەر جێی لێ حاڵی نەبوون بیلێن تا زۆرتری باس بکەین دەبێ شێعری ئەو شاعیرانەی کوتم بەو باسەوە چاو لێکەن
فەقەت بەتەمرین ئاسان دەبێ یانی خوێندنەوەو نوسین ئەگەر بتانەوێ بنوسن دەبێ تەعاروف وەلانێن
بۆ ئەوەی بتوانین رستەیەک بنوسین کە ئەو سێ کەلیمەی تێدا بێ دەبێ رابتەکەیان ببینینەوە جاری وایە شاعیر بەرابتەیەک دەگا کە خەلک فکریان بۆ ناچێ
هرگاە از دیدن کسی دلت نفس نفس زد بدان عشق کار خودش را کردە است
عشق چون نفس برای زندە ماندن دل است
نفس دل عشق است




جۆری بابەت :
وشە سەرەکیەکان :
ماڵپەڕە پەیوەستەکان :
چهارشنبه 18 اسفند 1395



ئاسمانێک هەورە شێعر و

دڵۆپەبارانی وشە

دڵنیام کە شەقامی شار

ئەمشەو هەموو 

عاشق دەبن...









جۆری بابەت :
وشە سەرەکیەکان :
ماڵپەڕە پەیوەستەکان :
دوێنێکە چومە ویۆنا

پیاوێک بە بزەوە وتی

چ زوو ساڵێ کۆتایی هات

لەسەر مێزی دیاریکراو

وەک کانییەک روو بەهەتاو

چاوەروانی هاتنت بووم





ادامه مطلب


جۆری بابەت :
وشە سەرەکیەکان :
ماڵپەڕە پەیوەستەکان :

لە کازیوەی بەیانەدا


تەوارەکانی کۆبانی


بە باڵای هەورە بروسکەو


 قەتارێ فیشەکی بڕوا


دەچنە ڕاوی


وەیشومەکانی شەوەزەنگ




----------------------------------------------



دیتنی شێعرەکە بە تەواوی


جۆری بابەت :
وشە سەرەکیەکان :
ماڵپەڕە پەیوەستەکان :

باڵاو ئاڵای بەرخۆدانت 


هێندە بەرزە


هەر چی کێوی 


خۆڕاگرە دێتە لەرزە


ئەی شاری زام


ئەی شاری گڕ

.....




بۆ دیتنی شێعرەکە بەتەواوی تکایە ئێرە کلیک کەن


جۆری بابەت :
وشە سەرەکیەکان :
ماڵپەڕە پەیوەستەکان :

 

کە دەتزانی


کۆچەریتو


خەونەکانم


هەواری وەرزی


بارگەت نین

........................





دیتنی شێعرەکە بە تەواوی


جۆری بابەت :
وشە سەرەکیەکان :
ماڵپەڕە پەیوەستەکان :


شەوان ...


کاتێ کە سێبەر


ڕەش دەپۆشێ


هەر ئەو دەم عاشقت


زوخاو ئەنۆشێ


دەمێکە چاوەروانی هاتنی تۆم


وەکوو هەستی نەمام بۆ هاژەیی چۆم


شەوانە توولە ڕێ وەک ماری نوستوون


هەموو دۆڵو دەرا بۆ ژوانی خەو چوون


هەر ئەو کاتەی دەهاڵێ دەستی لاولاو


لە بەژنی شۆرەبی شۆخی کەزێ خاو


ئەگەر بیرم بکەی یا خۆ فەرامۆش


لە یادت کەم نەکەم ئەی شۆخی تەڕ پۆش






جۆری بابەت :
وشە سەرەکیەکان :
ماڵپەڕە پەیوەستەکان :

گوڵاڵە سوورەیەک وتی

نە لە شەرمان سوورە جەستەم

نە بیمارێکی دڵ خەستەم 






دیتنی شێعرەکە بە تەواوی


جۆری بابەت :
وشە سەرەکیەکان :
ماڵپەڕە پەیوەستەکان :

دیسان شێعرێ


لە زێدی کاولکراوی


دەستێکی نامۆ تەرە بوو



......







بۆ دیتنی شێعرەکە بەتەواوی تکایە ئێرە کلیک کەن


جۆری بابەت :
وشە سەرەکیەکان :
ماڵپەڕە پەیوەستەکان :
لەو دیوی دەلاقەی ڕووحم،

دەڕوانم بەرەو ئاسۆیەک ،

پڕ لە گوڵی زەردەخەنە ،

پڕ لە ئاواتی دوا رۆژ

لەو ئێوارەیە شێعراوییە ، 

بەقەڵەمێکی داگیرساو

جەوهەری لە شیلەی عەشق ،


دیتنی شێعرەکە بە تەواوی ...............................................................


جۆری بابەت :
وشە سەرەکیەکان :
ماڵپەڕە پەیوەستەکان :
داستانی زیندوو بوونەوەم،

لەنێو ئامێزی نەمان و

لە چرکەی وەرزی بێ بەشی

جێگە ناگرم ،

ئەگەر لەگەڵ گەڵایەکی

پاییزیدا هەڵدەوەرێم

یان لەگەڵ 

کۆچی باڵندە کۆچەریەکاندا

هاوخەمم


دیتنی شێعرەکە بە تەواوی ...............................................................


جۆری بابەت :
وشە سەرەکیەکان :
ماڵپەڕە پەیوەستەکان :


( سەرجەمی لاپەڕەکان : 4 )    1   2   3   4   


لاپەڕەکانی لاوە
کۆی سەردانەکانی وێبلاگ
  • کۆی سەردانەکان:
  • سەردانی ئەوڕۆ :
  • سەردانی دوێنێ :
  • سەردانی ئەو مانگە:
  • سەردانی مانگی پێشو :
  • ڕادەی نوسەران :
  • ڕادەی کۆی بابەتەکان :
  • دوایین سەردان:
  • دوایین نوێکردنەوە :
پێداویستی لاوە

تصاویر زیباسازی نایت اسکین

بۆ کۆبانی ((باڵاو ئاڵای بەرخۆدانت هێندە بەرزە هەر چی کێوی خۆڕاگرە دێتە لەرزە ئەی شاری زام ئەی شاری گڕ ئەی پێشەنگی پۆلێ تەواری بەرزە فڕ کوانێ بەژنی بیرو باوەڕ چۆک دادەدا کرنۆش ئەبا بۆ نەعرەتەی خواوەندی شەڕ دڵنیام تۆ سەر دەکەوی بە ورەی گەشی روناکی دژ بە ویشومەی نگریسی خێڵی شەوی بە چەشنی ڕەشەبایەکی هەڵکردووی کۆڵانی پاییز ڕادەماڵی ئاسەواری بیرۆکەی پیس ئەی کۆبانی ئەی زامی داهاتو بەگژ شمشێری خێڵی نەزانین لە دورەوە هاوخەمتانین

آپلود عکس

که زرێوار لە نێو خۆیدا نوقم ئەبوو ، چنگی لە قژی شەوداگرت ، شەویش میوانی خەونێکی ئەرخەوانی تەنیاییم بوو ، ویستی بەناز ، لە بەردەمی ، سۆزی شێعرێ ، بێتە سەما ، کە هاتوو بسکی شێتانەی ، بەسەرشانی قەڵەم دادا ، بەرامەی زرێوار پڕژا ، بە سەر هەوری شێعروزامم ، کە لێم روانی پۆل پۆل مەلی هۆنراوە بوو ، ببوونە هۆرە ی جافان و سیاچەمانەی هەورامی

- >

هەر ئێستا (کتێبی تەرجەمانی عەشق کۆمەڵە شێعری نوێ وکلاسیک لە کتێب فرۆشێ کوردێە کان -کتاب عصیان غربت مجموعه شعر خالدبایزیدی بامقدمه دکترصفی زاده در کتابفروشیهای معتبر

- گەر رووحی من دەریایی نیە و روانینی تۆ نەرمە شەماڵ ئێستە بۆ چی بە نیگایەک ..... وادهەژێم
هاوڕێمان بن لە فەیسبووک
 
 
سەرەوەی لاپەڕ